మూవీ ఆర్టిస్ట్ అసోసియేషన్ () ఎన్నికల్లో మరో ట్విస్ట్ చోటు చేసుకుంది. ప్రకాష్ రాజ్, మంచు విష్ణు మధ్య రసవత్తర పోరు కనిపిస్తోంది. ఎవరికివారు ఎత్తుకు పైఎత్తు వేస్తూ ఎన్నికల వ్యూహరచన చేస్తుండగా.. ప్రకాష్ రాజ్ ప్యానల్ సభ్యుడు బండ్ల గణేష్ ఊహించని షాకిచ్చారు. మొన్నటిదాకా ప్రకాష్ రాజ్ గురించి ఎంతో గొప్పగా చెప్పిన ఆయన అధికార ప్రతినిధి బాధ్యతలను నిర్వర్తించలేనని చెబుతూనే ఆ వెంటనే ‘మా’ ఎన్నికల్లో జనరల్ సెక్రెటరీ పదవికి తాను ఒంటరిగా పోటీ చేయబోతున్నట్లు సంచలన ప్రకటన చేశారు. దీంతో ఈ ఇష్యూ సినీ వర్గాల్లో చర్చనీయాంశం అయింది. అయితే బండ్ల గణేష్ తీసుకున్న ఈ నిర్ణయం వెనుక కారణం రాజశేఖర్‌ అనే టాక్ నడుస్తున్న నేపథ్యంలో తాజాగా ఈ ఇష్యూపై జీవిత స్వయంగా స్పందించారు. MAAలో మెంబర్‌గా ఉన్నవారు ఎవరైనా సరే ఎన్నికల్లో పోటీ చేయవచ్చని చెబుతూ.. బండ్ల గణేష్‌తో తనకెలాంటి విభేదాలు లేవని స్పష్టం చేశారు. ఇక్కడ ఎవరి మధ్య పోటీ లేదని, ‘మా’ అభివృద్ధి కోసం పాటు పడాలనే ఆలోచన తోనే అందరూ ఉన్నారని అన్నారు. మూవీ ఆర్టిస్ట్ అసోసియేషన్ అభివృద్ధి కోసం కృషి చేయాలనే బండ్ల గణేష్ రంగంలోకి దిగారు తప్ప, తనపై వ్యతిరేకంగా కాదని జీవిత అన్నారు. ఈ ఎన్నికల్లో నేను గెలిచినా, లేదా ఓడినా సరే ‘మా’ కోసం పనిచేస్తానని చెప్పిన ఆమె, తామంతా ఎప్పటికీ ఒక్కటే కుటుంబం అని చెప్పడం విశేషం. అయితే ప్రకాష్ రాజ్‌కి ‘మెగా’ మద్దతు ఉందని ప్రచారం జరుగుతున్న నేపథ్యంలో ఇప్పుడు బండ్ల గణేష్ యూటర్న్‌ తీసుకోవడం చిక్కుల్లో పడేసినట్లయింది. అక్టోబ‌ర్ 10న జరగాల్సి ఉండగా.. గత నెలరోజులకు పైగా మా ఎలక్షన్స్ ఇష్యూ, పోటీదారులు చేస్తున్న కామెంట్స్‌తో ఈ ఇష్యూ హాట్ టాపిక్ అయింది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3jJBqDC
No comments:
Post a Comment